الفنان : عبد الرحمان الخلفي
قصيدة كتبها على الراحل الشيخ محمد بلكبير رحمه الله
قصيدة كتبها على الراحل الشيخ محمد بلكبير رحمه الله
صبر مولانا على الشيخ الي كان معانا ولادوا وانا على اتلاميــذ قضاه نزل
سيدي محمد بلكبير اوفى لو لاجل
يصبر ناس ادرار واهل تيمي في عزانا خبر موتو جانا صاعقة على القلوب نزل
سيدي محمد بلكبير اوفى لو لاجل
بالجمعة بكري خرجت روحوا قبلوا مولانا فالإذاعة جانا هاد لخبر كل حد تزلزل
نصدمة الناس به ماعدت الا حيرانة وفالنشرة جانا خبر صلاتو بعد الزوال
سيدي محمد بلكبير اوفى لو لاجل
بعد العاصر السبت نصلوا على الجنازنة رانا الغاشي جانا من كل بلاد لينا راحل
الجامع تعمر والزقاق على ربع ركانا محبة مولانا الي سمع خبروا به تهول
سيدي محمد بلكبير اوفى لو لاجل
الرايس جانا هو وبنو صلاو معانا ومن بعد الي عزانا جاب متن في بني يعجل
فالجنازة فالقبر بيدوا وتاه معانا يجزي مولانا الخير على هذا الرجل
سيدي محمد بلكبير اوفى لو لاجل
رفدت الفاتحة جميع دا الخلق طلبت مولانا يحفضو من شرورو ومن شر الزمان اللي حال
السبع المثاني المنجيات الي فالقرءان عين الحسدان عنوا ياربي تبطل
سيدي محمد بلكبير اوفى لو لاجل
من ان وصى الشيخ في حياتوا ندفن معانا فالدار بغانا باش عن تيمي مايرحل
وقبلوه رجالها بالحيا والممات معانا عطانا مولانا الزينة في خيار المنزل
سيدي محمد بلكبير اوفى لو لاجل
ولدوا لكبير عليه صلى نحمدو مولانا وصية بوه ليه وشار الشريفة فالمنزل
اهل تيمي كامل كبار وصغار اهل جود وقان راجال مع النسا للضيفا واقفة فالمحفل
سيدي محمد بلكبير اوفى لو لاجل
وبالتمر والما وطعامو بلحموا يالاخوانا وزادوا فرشانة للصيف محل ما منزل
رخموا ياربي ونعموا ورخم من كان معانا حضر صلى عليه وورحمة الجاه الي نقبل
سيدي محمد بلكبير اوفى لو لاجل
عشرة جماد لخر الثاني لكلام تقال واحد وعشرين مع ربعمية ولالف يكمل
نختم بصلاة النبي مع وصف بالسلام ولا معا يعمل مولانا يخلف هاد الراحل
سيدي محمد بلكبير اوفى لو لاجل
ليست هناك تعليقات:
إرسال تعليق