قلبي بهلـــــــــــول
محمد العايدي
قلبي بهلول ياعوام *** بيا عنق الغزال مريم
طفلة فجوجةالعلايل *** خلات عشيقها معدم
تعمل مزية للوشايم *** واسعفني يابن حمايم
توصل مرخوفةالحزام *** والى مريت كون فاهم
حرمت لي الماء مع الطعام *** وانا كنت نظل صايم
حرمت لي طيب المنايم *** من هاد الطفلة ليلي الا نخمم
الناس مقسمات هايم *** وانا قسمي راهو مشا لمريم
طلقت مسروح ريش النعام *** وطلقت مهضورها مجمم
عيونك كابوس في مقام *** والحاجب كي الهلال علام
وخدك برق في غيام *** بايت رعدو الا يزقلم
وفخضك كالجير والرخام *** وكتان مفصلو معلم
ونهديك بيضات الحمايم *** بايت في وكرو الا يبرقم
ليست هناك تعليقات:
إرسال تعليق